Igbo Mass Readings for August 10 2026, Emume Ncheta Lawrence dị Asọ

Igbo Mass Readings for August 10 2026, Emume Ncheta Lawrence dị Asọ – Dikin na Onye egburu maka Okwukwe.

Nke a bụ Igbo Mass Readings for August 10 2026, Emume Ncheta Lawrence dị Asọ – Dikin na Onye egburu maka Okwukwe.

IHE ỌGỤGỤ NKE MBỤ – 9:6-10

Ihe Ọgụgụ e wetara n’akwuụkwọozi nke abụọ Pọl degaara ndị Kọrịnt

Isi okwu bụ nke a: mkpụrụ onye kụrụ ka Ọ ga-aghọta. Onye kụrụ nwantịntị ga-aghọta nwantịntị. Onye kụrụ n’uju ga-aghọtakwa n’uju. Onye ọbụla ga-enye dịka o kpebiri n’obi ya.

Ụnụ enyela na nwute na n’inwe obi abụọ, mọbụ dịka a manyere ụnụ amanye, n’ihina Chineke na-ahụ onye ji obi ụtọ enye onyinye n’anya. Chineke n’onwe ya, pụrụ ibutere ụnụ ngọzi n’uju, karịa ka ụnụ tụrụ anya.

Ọ pụrụ ime ka ụnụ nwezuo ihe niile na-akpa ụnụ nwekwaa nke fọdụrụ maka ezi ọrụ niile. Otu a ka e dere n’Akwụkwọ Nsọ sị, “O kesara akụ ya, o nyere ụmụ ogbenye ihe, obiọma ya na adịgide ruo mgbe ebighịebi.”

Chineke, onye na-enye onye ọrụ ubi mkpụrụ ọkụkụ na ihe oriri ga-enyekwa ụnụ mkpụrụ mọbụ ihe ụnụ ji arụ ọrụ obiọma. Ọ ga-eme ka ha mụbaa bụ ihe ọma nke ụnụ na-akụ dịka mkpụrụ. Ọ ga-emekwa ka ngọzi nke sitere n’ezi ọrụ ụnụ bawanye.

ABỤỌMA NA AZỊZA – Ps: 112: 1-2, 5-6, 7-8, 9.

Azịza: Añụrị ga-adịrị onye na-eme ebere, na enyere ndị nọ na mkpa aka.

1. Añụrị na-adịrị onye na-atụrụ Onyenweanyị egwu,

onye ji ọñụ na-edebe iwu ya!

Ụmụ onye dị otu a ga-abụ ndị nwere ike n’ụwa,

agbụrụ onye ezigbo omume ga-enweta ngọzi.

Azịza: Añụrị ga-adịrị onye na-eme ebere, na enyere ndị nọ na mkpa aka.

2. Ya bụ ezigbo mmadụ anaghị ana ọmụrụnwa ma o binye ego,

ọ bụ onye eziokwu n’ihe niile ọ na-eme.

Ebe eziomume chedoro ya, ọ na-enwe ịkwụdosike,

ọ na-ahapụ ncheta ga-adị ebeebe n’azụ ya.

Azịza: Añụrị ga-adịrị onye na-eme ebere, na enyere ndị nọ na mkpa aka.

3. Ebe obi ya na nchekwube ya dị n’Onyenweanyị,

ọ gaghị atụ egwu ịnata ozi ọjọọ.

O ji ntachi obi emeri egwu ya,

n’ikpeazụ Ọ na-emeri ndị iro ya.

Azịza: Añụrị ga-adịrị onye na-eme ebere, na enyere ndị nọ na mkpa aka.

4. Ọ naghị atụfu oge inyere ndị ogbenye aka,

eziomume ya anaghị agbanwe agbanwe,

ndị dị otu a na-enweta nsọpụrụ mgbe niile.

Azịza: Añụrị ga-adịrị onye na-eme ebere, na enyere ndị nọ na mkpa aka.

MBEKU

ALLELUIA, ALLELUIA:

Jesu gwara ha sị, “Abụ m ihe nke ụwa, onye ọbụla na-eso m agaghị aga n’ọchịchịrị, kama ọ ga-enwe ihe nke ndụ.

ALLELUIA.

OZIỌMA – 12:24-26.

Ihe Ọgụgụ e wetara n’Oziọma dị asọ nke Jọn dere

Jesu gwara ụmụ azụ ya sị, “N’ịgwa ụnụ eziokwu, ọ bụrụ na mkpụrụ ọka adaghị n’ala, nwụọ, ọ ga-anọ naanị ya. Ma ọ bụrụ na ọ nwụọ, ọ ga-amịta ọtụtụ mkpụrụ.

Onye ọbụla hụrụ ndụ ya na-anya ga-atụfu ya, onye ọbụlakwa nke kpọrọ ndụ ya asị n’ụwa nke a, ga-edobe ya ruo ndụ ebighịebi. Ọ bụrụ na onye ọbụla na-agbara m odibo, ọ ga-esorịrị m.

Ebe m nọkwa ka nwaodibo m ga-anọ. Ọ bụrụ na onye ọbụla na-agbara m odibo, Nna m ga-asọpụrụ ya.

Igbo Mass readings for August 11 2026, Tuzde Izuụka nke Iri na Itoolu n’Oge Na-Adanyeghị N’Emume

Igbo Mass Readings for August 10 2026, Emume Ncheta Lawrence dị Asọ – Dikin na Onye egburu maka Okwukwe.