Igbo Mass Readings for February 16 2026, Mọnde n’ime Izuụka nke Isii N’Oge Adanyeghị n’Emume.
Nke a bụ Igbo Mass Readings for February 16 2026, Mọnde n’ime Izuụka nke Isii N’Oge Adanyeghị n’Emume.
IHE ỌGỤGỤ NKE MBỤ – 1:1-11
Ihe Ọgụgụ ewetara n’Akwụkwọozi Jemis
Jemis, nwodibo Chineke na nke Onyenweanyị Jesu Kristi, na-edegaarra agbụrụ iri na abụọ ndị gbasara n’elu ụwa niile akwụkwọozi: Ndewonụ! Ụmụnna m! Gụọnụ onwe ụnụ na ndị iheọma meere, mgbe ọbụla a na-anwa ụnụ mọbụ mgbe ụnụ zutere ọnwụnwa n’ụzọ dị icheiche.
N’ihina, dịka ụnụ maara, nnwale a na-anwale okwukwe ụnụ na-eme ka ụnụ kwụdosie ike. Ka nkwụdosike ụnụ merie ọnwụnwa niile, ka ụnụ zuo oke ma nwezuo ihe niile, na-adịghị ihe ọbụla nke dị mkpa kọrọ n’ime ụnụ.
Ọ bụrụ na o nwere onye ọbụla n’ime ụnụ nke na-enweghị amamihe, ya rịọ Chineke, “onye na-enye mmadụ niile n’efu, n’ebughị ụzọ taa mmadụ ụta. Ọ ga-enyekwa onye ahụ amamihe! Mgbe ị na-arịọ ya arịrịọ dị otu a, jide okwukwe.
Enwela obi abụọ. Onye nwere obi abụọ n’ekpere yiri ebili mmiri oke osimiri, nke ifufe na-ebugharị na atụli elu. Onye dị otu a echekwala na ya ga-arịọta ihe dị ya mkpa n’aka Onyenweanyị.
N’ihina mmadụ dị otu a bụ onye ihu abụọ, onye na adịghị eguzo n’otu ebe n’ihi ọbụla ọ na-eme. Ka nwanna ọbụla bụ ogbenye ñụrịa ọñụ mgbe ọbụla Chineke weliri ya elu.
Ka nwanna ọbụla bụ ọgaranya ñụrịkwa ọñụ mgbe ọbụla e wedara ọnọdụ ya n’ihina, dị ka okooko ọcha, ọgaranya ga-ewuchaa gafee.
Anyanwụ na-awalite, ya na ọkụ ya na-eresi ike, kpọnwụọ ahịhịa; Okooko ọcha ya adaa, ịmamma ya alaa n’iyi. Otu a ka ọgaranya ga-esi daa mgbe ọnọ na-achụso akụnụụba.
ABỤỌMA NA AZỊZA – Ps. 119: 67, 68, 71, 72, 75, 76
Azịza: Onyenweanyị, Ka ebere gị bịakwute m ka m wee dị ndụ.
1. Ejehiere m ụzọ tupu i nye m ọpịpịa
mana ugbu a ana m edobe iwu gị.
Azịza: Onyenweanyị, Ka ebere gị bịakwute m ka m wee dị ndụ.
2. Ị dị mma na-emekwa ihe dị mma,
kuziere m iso ụzọ gị.
Azịza: Onyenweanyị, Ka ebere gị bịakwute m ka m wee dị ndụ.
3. Ọ dị mma na atara m ahụhụ,
Ka m wee nwee ike ịmata ụzọ gị.
Azịza: Onyenweanyị, Ka ebere gị bịakwute m ka m wee dị ndụ.
4. Iwu siri n’ọnụ gị pụta ka mma,
karịa puku kwuru puku ọlaọcha na ọlaedo.
Azịza: Onyenweanyị, Ka ebere gị bịakwute m ka m wee dị ndụ.
5. Amaara m na ikpe gị kwụ ọtọ O Onyenweanyị,
na ị tara m ahụhụ n’ihi ịkwụdosiike gị.
Azịza: Onyenweanyị, Ka ebere gị bịakwute m ka m wee dị ndụ.
6. Ka ịhụnaanya gị kwụdosiri ike dị njikere ịtasị m obi
dịka nkwa i kwere nwodibo gị siri dị.
Azịza: Onyenweanyị, Ka ebere gị bịakwute m ka m wee dị ndụ.
MBEKU
Alleluia, Alleluia:
Naranụ ozi nke a, ọ bụghị dịka okwu mmadụ, kama okwu nke Chineke.
Alleluia.
OZIỌMA – 8:11-13
Ihe Ọgụgụ nke a si n’Oziọma dị asọ nke Mak dere
Ụfọdụ ndị Farisii bịakwutere Jesu bido nrụrịtaụka, na-achọkwa ihe ịrịbaama si n’igwe bịa iji nwalee ya. Ọ mara ọsụ ruru na mmụọ, jụkwaa sị, “Gịnị mere ọgbọ a ji achọ ihe ịrịbaama?
N’ezie agwa m ụnụ, agaghị enye ọgbọ a ihe ịrịbaama ọbụla. Ọ hapụrụ ha, banyekwa ọzọ n’ụgbọmmiri, gafee n’ofe nke ọzọ.
Igbo Mass Readings for February 17 2026, Tuzde n’ime Izuụka nke Isii N’Oge Adanyeghị n’Emume
Igbo Mass Readings for February 16 2026, Mọnde n’ime Izuụka nke Isii N’Oge Adanyeghị n’Emume.