Igbo Mass Readings for July 26 2025, Ncheta Joachim na Ann dị Asọ – Ndị mụrụ Vegin Marịa dị Ngọzi.
Nke a bụ Igbo Mass Readings for July 26 2025, Ncheta Joachim na Ann dị Asọ – Ndị mụrụ Vegin Marịa dị Ngọzi.
IHE ỌGỤGỤ NKE MBỤ – 44:1, 10-15
Ihe Ọgụgụ e wetara n’akwụkwọ Sịrak
Ugbu a, ka anyị toonụ ndị ahụ aha ha na-ada ụda, ndị nna anyị ha n’agbụrụ ha. Mana ndị a bụ ndị obiebere; ndị eziomume ha enweghị nchefu. Agamnihu ha nwere ga-esi n’aka ha fere n’aka ụmụụmụ ha.
Oke ha ga-esikwa n’ụmụ fere n’ụmụ. Ụmụ ha kwụsiri ike na ọgbụgbandụ ndị ahụ; n’ihina ụmụụmụ ha sokwara otu ụzọ ahụ. Mkpụrụ ha ga-adịrị gaba ebighịebi, otito ha adịghị nhichapụ.
E liela ha n’udo, mana aha ha na-adịrị ndụdụgandụ niile. Ndị mmadụ ga na-akọ maka amamihe ha. Ọgbakọ ha ga na-ekwupụta otito ha.
ABỤỌMA NA AZỊZA – Ps: 132: 11, 13-14, 17-18.
Azịza: Onyenweanyị ga-enye ya alaeze Nna ya Devid.
1. Onyenweanyị ñụọrọ Devid iyi,
ọ ghaghị echegharị na ya,
“Otu n’ime ụmụ gị
ka m ga-akwụba n’ocheze gị.
Azịza: Onyenweanyị ga-enye ya alaeze Nna ya Devid.
2. N’ihina Onyenweanyị ahọrọla Zayọn,
ọ họrọla ya ka ọ bụrụ ebe obibi.
“Ebe a ka m ga-anọ ebeebe,
ebe a bụ ebe obibi m họọrọ.
Azịza: Onyenweanyị ga-enye ya alaeze Nna ya Devid.
3. N’ebe a, aga m akpọlite otu eze n’agbụrụ Devid,
aga m eme ka ọkụ nke onye m tere ude na-achawapụta ebeebe.
Aga m eji ihere kpuchie ndịiro ya ihu,
mana ọchịchị ya ga na-aga n’ihu.
Azịza: Onyenweanyị ga-enye ya alaeze Nna ya Devid.
MBEKU
ALLELUIA, ALLELUIA:
Ọ nọ na-elekwa anya maka nkasịobi nke Izrel, Mmụọ Nsọ nọnyekwaara ya.
ALLEUIA.
OZIỌMA – 13: 16-17.
Ihe Ọgụgụ e wetara n’Oziọma dị asọ nke Matiu dere
Ngọzi dịịrị anya ụnụ, n’ihina ha na-ahụ ụzọ, na ntị ụnụ, n’ihina ha na-anụ ihe.
N’ezie agwa m ụnụ, ọtụtụ ndị amụma na ndị eziomume chọsiri ike ịhụ ihe ụnụ na-ahụ ma ha ahụghị ya, ịnụ ihe ụnụ na-anụ ma ha anụghị ya.
Igbo Mass Readings for July 27 2025, Ụka nke Iri na Asaa N’Oge Adanyeghị n’Emume – Afọ nke Atọ
Igbo Mass Readings for July 26 2025, Ncheta Joachim na Ann dị Asọ – Ndị mụrụ Vegin Marịa dị Ngọzi.