Uzo Nke Obe (Igbo Stations of the Cross) – Nkwụsị Nke Asaa.
Nke a bụ Uzo Nke Obe (Igbo Stations of the Cross) – Nkwụsị Nke Asaa.
NKWỤSỊ NKE ASAA
Jesu Adaa nke Ugboro Abụọ
Onye-ndu: Anyị esekpuoro Gị Jesu na-enye Gị ekele
Gbuọnụ Otu ikpere n’ala za.
Ọha: Maka na obe gị dị asọ ka I ji wee gbapụta ụwa
Kulitenụ
Ndị nke m, kedụ ihe m mere ụnụ? O lee ihe m ji megide ụnụ? Zanụ m! E ji m achịcha ọcha zụọ ụnụ n’ịkpa; mana ụnụ akụdala m ala pịarụchaa m ahụ. (Maịka 6:3).
Sekpurunụ Ala
E mesiri ya ike, mewapụ ya obi, mana ọ tụpụghị ọnụ ka nwaatụrụ edurula gawa igbu egbu. Ọ daa ogbu ka atụrụ a na-akpụchasị ajị. E ji aka Ike na ikpe mmegbu duru ya pụọ. (Aịzaya 53:7-8).
Biko Dinwenụ m, e kwela ka m bụrụ ohu njọ ọbụla. Mee ka m nwere onwe m, were ike m niile, echiche m niile, na mmụọ m niile bịa gbaara gị odibo n’ụzọ kwesịrị ekwesị.
Ọha: Jesu m; ahụrụ m gị n’anya karichaa ihe niile;
E ji m obi m niile chegharịa maka mmeghe m mehiere Gị.
Ekwela ka m kewapụ onwe m ọzọ n’ebe Ị nọ;
Mee ka m hụ Gị na anya mgbe ọbụla;
Bịa were m mee ihe ọbụla masịrị Gị.
Nna anyị nọ n’eluigwe… Ekele Marịa … Otito dịrị Nna…
Onye-ndu: Jesu a kpọdoro n’obe maka ihi anyị.
Ọha: Mere anyị ebere
Onye-ndu: ka mkpụrụobi ndị niile kwerenụ gara aga;
Ọha: Site n’ebere nke Chukwu ka ha zuo ike na ndokwa. Amen.
Kulitenụ: kwere ukwe a gaa na nkwụsị nke asatọ
Ukwe: O nwere ịhụnanya ka nke a;
Na mmadụ werela ndụ ya;
Nye maka ndị enyi ya? (Jọn 15:13).
Ụzọ nke Obe
- Ekpere Mmeghe: N’ihu Altar
- Nkwụsị nke Mbụ: A ma Jesu Ikpe ọnwụ
- Nkwụsị nke Abụọ: Jesu Eburu Obe Ya
- Nkwụsị nke Atọ: Jesu Adaa nke Mbụ
- Nkwụsị nke Anọ: Jesu Ezute Nne ya N’Uzo
- Nkwụsị nke Ise: Simion Enyere Jesu Aka Ibu Obe
- Nkwụsị nke Isii: Veronica Ehichaa Jesu Ihu
- Nkwụsị nke Asaa: Jesu Adaa nke Ugboro Abụọ
- Nkwụsị nke Asatọ: Jesu Ezute Umunwaanyi Jerusalem
- Nkwụsị nke Itoolu: Jesu Adaa nke Ugboro Atọ
- Nkwụsị nke Iri: A gbawa Jesu ọtọ
- Nkwụsị nke Iri na Otu: A Kpodo Jesu n’obe
- Nkwụsị nke Iri na Abụọ: Jesu Anwụọ n’elu obe
- Nkwụsị nke Iri na Atọ: E butuo Ahụ Jesu n’obe
- Nkwụsị nke Iri na Anọ: A Dọnye Jesu N’ili
- Ekpere Mmechi: Ekpere Mmechi Uzo nke Obe
Nke a bụ Uzo Nke Obe (Igbo Stations of the Cross) – Nkwụsị Nke Asaa.
