Igbo Mass Readings for July 29 2028, Satọde Izuụka nke Iri na Isii N’Oge Nkịtị

Igbo Mass Readings for July 29 2028, Satọde Izuụka nke Iri na Isii N’Oge Adanyeghị n’Emume.

Nke a bụ Igbo Mass Readings for July 29 2028, Satọde Izuụka nke Iri na Isii N’Oge Adanyeghị n’Emume.

IHE ỌGỤGỤ NKE MBỤ – 7:1-10

Ihe Ọgụgụ e wetara n’Akwụkwọ Onye Amụma Jeremiah

Okwu nke Osebụrụwa bịaara Jeremaya sị: “Guzo n’ọnụụzọ mbata ukwu nke ụlọ nke Chineke, kwuo okwu a ebe ahụ sị, ‘nụrụnụ okwu nke Yahweh ụnụ bụ ndị Juda niile na-abata n’ọnụụzọ ukwu a ife Osebụrụwa, Yahweh nke ji ike niile, Chineke nke Izrel kwuru sị, Mezienụ ụzọ ụnụ na omume ụnụ niile, ka m kwere ka ụnụ biri ebe a.

Ụnụ enwela ntụkwasịobi n’okwu nduhie ụzọ niile ndị a: Nke a bụ ụlọ nke Yahweh ụlọnsọ nke Yahweh, ụlọ nke Yahweh.

N’ihina ụnụ mezie ụzọ ụnụ niile na omume ụnụ niile, ọ bụrụkwa na ụnụ jiri ikpe nkwụmọtọ na-eso ibe ụnụ, ma gharakwa imegbu ndị ọbịa, ndị enwe nne enwe nna mọbụ ndị ajadu ma gharakwa ịkwatu ndị aka ha dị ọcha n’ala a, ma ọ bụrụkwa na ụnụ akwụsị ife chi ndịọzọ dị icheiche ofufe nke na ebutere ụnụ nsogbu, aga m ekweta ka ụnụ biri ebe a; n’ime ala nke m nyerela nnanna ụnụ n’oge ochie ruo mgbe ebighịebi.

Lee, ụnụ na-atụkwasa obi n’okwu nduhie nke abaghị uru. Ọ bụ ụnụ zuchaa ohi, gbuo ọchụ, kwaa iko, ñụọkwa iyi ụgha, fee arụsị Baal na ọtụtụ chi ndịọzọ dị icheiche, ụnụ abịakwa guzo n’ihu m n’ime ụlọnsọ a, nke a kpọrọ aha m, ma na-emekwa ihe ọjọọ niile ndị a?””

ABỤỌMA NA AZỊZA – Ps. 84:2,3,4-5,7,10

Azịza: Lee ka ụlọ obibi gị siri makarịchaa mma Osebụrụwa Chineke pụrụ ime ihe niile.

1. Ọ na-agụ m nnukwu agụụ

ka m bata n’ogige Osebụrụwa

ka mkpụrụobi m na anụahụ m

na-ekwere Chineke dị ndụ ukwe ọñụ.

Azịza: Lee ka ụlọ obibi gị siri makarịchaa mma Osebụrụwa Chineke pụrụ ime ihe niile.

2. Ka o si dị, nnụnụ ebelebe na-achọtara onwe ya ụlọ obibi,

nnụnụ eleke achọtara onwe ya akwụ

ebe ọ ga-edote ụmụ ya n’akụkụ ebe ịchụaja gị,

Onyenweanyị onye pụrụ ime ihe niile,

Onye bụ eze m na Chineke m.

Azịza: Lee ka ụlọ obibi gị siri makarịchaa mma Osebụrụwa Chineke pụrụ ime ihe niile.

3. Ha bụ ndị a gọzirị agọzi ndị bi n’ụlọ gị

na-ekwere gị ukwe otito oge niile.

ndị ike ha si na gị bụ ndị agọziri agọzi,

Ka ha na-aga ike ha na-abawanye.

Azịza: Lee ka ụlọ obibi gị siri makarịchaa mma Osebụrụwa Chineke pụrụ ime ihe niile.

4. N’ihina otu ụbọchị n’ebe gị ka mma

karịa nnụkwuru nnụ afọ ebe ọzọ

Ọ kaara m mma ịbụ onye nche ụzọ n’ụlọ nke Onyenweanyị,

karịa ibi n’ebe obibi ndị ajọ mmadụ.

Azịza: Lee ka ụlọ obibi gị siri makarịchaa mma Osebụrụwa Chineke pụrụ ime ihe niile.

MBEKU – Ps. 147:2,15

Alleluia, Alleluia:

Toonụ Onyenweanyị, Jerusalem. Ọ na-etiri ụwa iwu.

Alleluia.

OZIỌMA – 13:24-30

Ihe Ọgụgụ nke a si n’Oziọma dị asọ nke Matiu dere

Jesu gwara oke igwe mmadụ ahụ okwu ọzọ n’ụkabụilu sị: “A ga-eji alaeze eluigwe tụnyere otu nwoke ghara mkpụrụ ọma n’ubi ya.

Mgbe ndị mmadụ na-arahụ ụra, onye iro ya bịara kụnye mkpụrụ ata n’etiti ọka wee laa. Mgbe ọka tolitere mịa mkpụrụ, ata sokwara too. Ụmụodibo nwoke ahụ bịakwutere ya sị ya, Ọ bụ na ọ bụghị mkpụrụ ọka ọma ka ị kụrụ n’ubi gị, olee otu osi nweta ata?”

Ọ zara ha sị, “Onye iro mere nke a’. Ụmụodibo ya wee jụọ ya sị, Ị chọrọ ka anyị ga fopụchaa ata ndị ahụ? Ọ zara ha sị, ‘Mba’ ka ụnụ ghara ifopụ ọka mgbe ụnụ na-efopụ ata!

Hapụnụ ha abụọ ka ha na-etokọta ruo oge owuwe ihe ubi. Oge ahụ aga m agwa ndị na-aghọrọ m ọka sị: “Burunụ ụzọ fopụchaa ata, keenụ ha n’ukwu n’ukwu ka e wee kpọọ ha ọkụ. Ma kpobatanụ ọka n’ime ọba m”.

Igbo Mass Readings for July 30 2028, Ụka nke Iri na Asaa n’Oge Na-Adanyeghị N’Emume – Afọ nke Atọ

Igbo Mass Readings for July 29 2028, Satọde Izuụka nke Iri na Isii N’Oge Adanyeghị n’Emume.