Igbo Mass Readings for October 26 2027, Tuezde Izuụka nke Iri Atọ N’Oge Nkịtị

Igbo Mass Readings for October 26 2027, Tuezde Izuụka nke Iri Atọ N’Oge Adanyeghị n’Emume.

Nke a bụ Igbo Mass Readings for October 26 2027, Tuezde Izuụka nke Iri Atọ N’Oge Adanyeghị n’Emume.

IHE ỌGỤGỤ NKE MBỤ – 8:18-25

Ihe Ọgụgụ e wetara n’Akwụkwọozi Pọl degaara Ndị Rom

Echere m na ahụhụ nke oge a erughị n’ụzọ ọbụla ịtụnyere nnukwu ebube nke Chineke ga-ekpughere anyị. Ihe niile e kere eke ji oke agụụ na-eche mgbe a ga-egosipụta ndị bụ ụmụ Chineke.

Emere ka ihe niile e kere eke bụrụ ihe efu; Ọ bụghị dịka ha si chọọ, kama ọ bụ ka Chineke si chọọ. Ma ihe niile e kere eke ka nwere olileanya, na otu ụbọchị na ha ga-enwere onwe ha site n’agbụ nke ire ure, bịa sonye n’inwere onwe ahụ dị ebube nke ụmụ Chinekeọ Anyị ma na site na mbido ruo ugbu a ihe niile e kere eke na-asụ ude n’otu dịka nwaanyị ime na-eme.

Ọ bụghị naanị ihe e kere eke, anyị onwe anyị kwa, ndị natara mkpụrụ mbụ nke Mmụọ Nsọ, na-asụkwa ude n’ime onwe anyị, ka anyị nọ na-eche mgbe Chineke ga-eme anyị ụmụ ya, ma mgbe ọ ga-azọpụta anụahụ anyị.

Ọ bụ site n’olileanya nke a ka e ji zọpụta anyị. Ọ bụrụ na mmadụ ahụla ihe ọ na-ele anya ya, ihe ahụ agaghịkwa abụzi olileanya. N’ezi asụsụ, mmadụ ọ na-atụrịrị anya ihe o jirila anya ya abụọ hụ? Ma ọ bụrụ na anyị na-atụ anya ihe anyị ahụghị anya, anyị na-ewere ndidi na-eche ihe ahụ.

ABỤỌMA NA AZỊZA – Ps 126: 1-2, 2-3, 4-5, 6

Azịza: Onyeweanyị rụụrụ anyị ọrụ ịtụnaanya.

1. Mgbe Osebụrụwa gbapụtara Zayọn n’ohu,

ọ dị anyị ka nrọ.

Oge ahụ ọchị na ukwe juru anyị ọnụ.

Azịza: Onyeweanyị rụụrụ anyị ọrụ ịtụnaanya.

2. Ọbụladị ndị ọgọmmụọ na-ekwu n’onwe ha na-asị;

Lee ọrụ ịtụnaanya Chineke rụụrụ ha

Lekene ọrụ ịtụnaanya Onyenweanyị rụụrụ anyị

n’ezie anyị na-enwe añụrị.

Azịza: Onyeweanyị rụụrụ anyị ọrụ ịtụnaanya.

3. Kpọghachi ndị nke anyị e ji eji azụ, O Osebụrụwa,

Dịka mmiri si alaghachi na Negeb

Ndị niile ji anya mmiri na-akụ mkpụrụ,

ji mkpu ọñụ ugbu a aghọ mkpụrụ.

Azịza: Onyeweanyị rụụrụ anyị ọrụ ịtụnaanya.

4. Mgbe ha na-apụ

ha bu mkpụrụ akụkụ na-ebe akwa,

Mgbe ha na-alọta

ha bu ukwu ọka na-ekwe ukwe añụrị.

Azịza: Onyeweanyị rụụrụ anyị ọrụ ịtụnaanya.

MBEKU – Jemis 1:21.

Alleluịa, Alleluịa:

Werenụ nwayọọ nara okwu ahụ nke a kụrụla n’obi ụnụ dịka mkpụrụ, nke pụrụ ịzọpụta mkpụrụobi ụnụ.

Alleluịa.

OZIỌMA – 13:18-21.

Ihe ọgụgụ nke a si n’Oziọma dị asọ nke Luk dere.

Jesu jụrụ ọzọ sị, “Gịnị ka alaeze Chineke dịka ya? Gịnị ka m ga-eji tụnyere ya? Ọ dịka mkpụrụ osisi Mọstad nke otu onye weere kụọ n’ubi.

O toro, bụrụ nnukwu osisi, ụmụnnụnụ abịa rụọ akwụ n’alaka ya.” Jesu jụkwara ọzọ sị, “Gịnị ka m ga-eji tụnyere alaeze Chineke?

Ọ dịka ihe na-eko achịcha nke nwaanyị weere gwakọọ ya na akpa ntụọka atọ, ruo mgbe ha koro.”

Igbo Mass Readings for October 27 2027, Wednezde Izuụka nke Iri Atọ N’Oge Adanyeghị n’Emume.

Igbo Mass Readings for October 26 2027, Tuezde Izuụka nke Iri Atọ N’Oge Adanyeghị n’Emume.